Tragjedinë në Himarë, kreu i Policisë së Shtetit Gledis Nano e përdori për propagandë, pasi fill pas një dite “lëshoi” disa efektivë në bregdet që të kontrollojnë dhe bllokojnë skafet. Por, kjo përpjeke i shkoi huq, pasi policët e Nanos kanë harruar të kryejnë kontrolle në Ksamil, ku edhe ditën e sotme po bëhet nami me skafet që lëviznin shumë pranë bregut të detit.
Një foto e ndarë nga qytetarët tregon se në Ksamil, janë edhe fëmijët ata të cilët po lundrojnë në ‘Jet Ski’, duke vënë kështu në rrezik jetën e tyre, por edhe të pushuesve të tjerë. Ndërsa kujtojmë se aksidentet nga skafet këtë vit kanë qenë të shumtë në numër, por kurrë nuk është marrë asnjë masë ndaj bosave që zbatojnë zonat e plazhit. Por, u desh të merrej jeta e një vogëlusheje që Nano të dilte dhe të bënte propagandë se edhe ai vetë ka dalë në terren për kontrolle, duke lënë pezull përgjegjësit që ka për vdekjen e 7-vjeçare në Himarë.
