Pas mbylljes së afatit të dorëzimit të vetëdeklarimit të pasurisë, janë zbuluar dhe gjyqtarët që e kanë refuzuar këtë formular.
Anëtari i Gjykatës Kushtetueses, Vladimir Kristo nuk ka dorëzuar formularin e vetëdeklarimit të pasurisë pranë ILDKPI.
“Mua prej një viti më ka mbaruar mandati si anëtar i Gjykastës Kushtetuese. Ligji i vetting-ut ka për qëllim të kontrollojë figurën e gjyqtarëve që duan të bëjnë karrierë. Unë karrierën e kam mbyllur”, tha Kristo.
Nuk ka dorëzuar formularin e vetëdeklarimit të pasurisë gjithashtu edhe gjyqtarët Ilir Çeliku dhe Ilir Pashaj. Të parët që paraqitën sot dorëheqjen ishin: anëtarja e Gjykatës së Lartë Mirela Fana, e cila pas largimit nga sistemi bëri me dije se do të vazhdojë jetën akademike. Gjyqtari i dytë i dorëhequr ishte Ilir Pashaj nga Gjykata e Elbasanit. E vetëm disa orë më pas të njëjtën rrugë ka ndjekur edhe gjyqtari i Apelit të Vlorës, Ilir Çeliku.
Disa ditë më parë u dorëhoq edhe prokurori Tola, duke u shprehur se kishte proceduar e daljes në pension. Deri tani, në ILDKPKI kanë deklaruar pasuritë e tyre 359 gjyqtarë.
