Vendimi: Konstatim i papajtueshmërisë së mandatit të deputetit
Gjykata Kushtetuese ka vendosur të heqe Koço Kokëdhimës mandatin e deputetit. Vendimi është marrë pak zbardhur pak çaste më parë në faqen zyrtare të Gjykatës kushtetuese në të cilin theksohet:
Gjykata Kushtetuese, pasi shqyrtoi dhe analizoi pretendimet e ngritura nga kërkuesi si dhe prapësimet e paraqitura nga subjekti i interesuar, në mbështetje të nenit 131/e të Kushtetutës, si dhe të ligjit nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, vendosi:
– Konstatimin e papajtueshmërisë së mandatit të deputetit Koço Kokëdhima.
Padia pranë Gjykatës Kushtetuese është bërë nga Partia Demokratike. Çështja e mandatit të Kokëdhimës u bë një ndër kërkesat e partisë demokratike ndaj mazhorancës si kusht për të ndërprerë bojkotin parlamentar.
