Gjykata e Gjirokastrës ka lënë në burg shoferin e autoambulancës që përplasi për vdekje 10 vjeçarin në Kakavijë.
Kujtojmë se ngjarja e rëndë ka ndodhur katër ditë më parë në Kakavijë, ku një 10 vjeçar i cili ndodhej në radhë për të kaluar kufirin është përplasur për vdekje nga autoambulanca.
Ndërkohë i pyetur nga gjykatësja Blerta Çibuku, shoferi i autoambulancës ka sqaruar të gjithë rrjedhën e ngjarjes duke thënë se në momentin e ngjarjes në automjet ka pasur një të sëmurë për ta dërguar në spitalin e Gjirokastrës.
Sipas shoferit shpejtësia e automjetit në momentin e aksidentit ishte 75 km në orë. Ndonëse deklarimet e te pandehurit janë dëgjuar, në fund gjykatesja Blerta Çibuku ka dhënë masën e sigurisë “arrest ne burg” për shoferin e autoambulancës.
Në momentin e ngjarjes së rëndë bëhet me dije se i mituri nga Lezha po rrinte me nënën e tij duke pritur radhën, kur në një moment, sipas dëshmitarëve, ambulanca që ishte me shpejtësi të madhe, e ka përplasur fëmijën që po kalonte rrugën.
