Gjykata e Krimeve të Rënda dha masën e sigurisë arrest me burg ndaj gjyqtarit të Apelit, Shkëlqim Miri, i cili u arrestua dy ditë më parë.
Gjyqtari u ndalua për dyshimet e korrupsionit, ndërsa në banesën e tij u sekuestruan 174 mijë eurë, mbi 10 milionë lekë dhe 1 mijë dollarë.
Hetimet për të kishin nisur në janar 2017, pas informacioneve se gjykatat shqiptare po i jepnin lirinë Gentian Dodës, i akuzuar për vrasje dhe i ekstraduar nga Amerika 5 vjet më parë.
