I dënuar me 9 vite burg në Itali për shfrytëzim prostitucioni dhe trafik droge, gjykata e Durrësit ka dhënë masën e arrestit me burg ndaj Durim Keçit.
42-vjeçari njihet si i “forti” i Shijakut, ndërkohë që pas kësaj mase sigurie pritet të bëhet ekstradimi drejt shtetit fqinj.
Emri i Keçit u bë mjaft i njohur për publikun në sajë të akuzave të kryedemokrati Lulzim Basha, i cili nëpërmjet publikimit të fotografive akuzoi Kryeministrin Edi Rama se e ka përdorur të shumëkërkuarin në fushatë.
Ai publikoi në fotografi të deputetit Blendi Klosi me të shumëkërkuarin, duke akuzuar se Rama i kishte premtuar se nuk do lejonte ekstradimin në Itali.
