Gjykata e Elbasanit ka lënë në fuqi masën “Arrest në burg” për Erjon Alibejn, i arrestuar të premten për dy vrasje.
Alibej akuzohet si organizator dhe porositës i vrasjes së Emilajano Ramazanit dhe Ervis Runajt, ngjarje të ndodhura në 20 dhe 29 korrik 2020.
Kujtojmë se Alibej ishte me masë “Arrest në shtëpi” për një plagosje të ndodhur 3 vite më parë.
Erion Alibej i njohur edhe me emrin Andrea, ka qenë i arrestuar në Itali në vitin 2013 për trafik droge. Ai është vëllai i Endrit Alibejt, i vrarë në dhjetor të 2018, në Bradashesh të Elbasanit. Shkak dyshohet të jetë prishja e pazareve të drogës.
