Gjykata Administrative e Shkallës së Parë ka vendosur kundër vendimit të Bashkisë së Tiranës për ta prishur pallatin 153, por tashmë ky pallat është rrafshuar përdhe dhe nuk dihet se si do të vijojë çështja
Gjithashtu, gjykata vendosi në favor të Kishës që ka pasur katin e poshtëm të pallatit. Gjykata e ka quajtur të padrejtë vendimin për prishje të Bashkisë dhe vetë prishjen e pallatit.
Edmond Çata në një intervistë për Ora News deklaroi se pas këtij vendimi banorëve të tjerë të pallatit ju lind e drejta të kërkojnë dëmshpërblim për shkatërrimin pa të drejtë të pronës së tyre.
“Pronari i Fondacionit Ëngjëllor që ka fituar këtu bëri një akt-ekspertizë private të gjendjes fizike teknike të pallatit kontaktoi me avokat dhe me këto ndërtoi dosjen dhe u paraqit në gjykatë. Kështu që në rastin e pallatit 153 gjykata ka gjetur parregullsi proceduriale si ka proceduar bashkia në prishjen e pallateve. Meqënëse pallati është shembur i ka caktuar subjektit dëmshpërblimin”, tha ai.
Çata shtoi se tashmë ka një precedent dhe kushdo që mendon se u është bërë padrejtësi tu drejtohet gjykatave dhe të kërkojë dëmshpërblim.
