Gjykata Administrative shtyn me 5 ditë shqyrtimin për lirimin e zyrave të FRD-së, kërkesë e Bashkisë së Tiranës.
Në një prononcim për mediat, në përfundim të seancës gjyqësore, kreu i FRD Sali Shehu u shpreh se partia që drejton është në të drejtën e ligjit dhe se vijon fushatën në zyrat e saj.
“FRD që në ditët e para ka në statut paqen, mirëkuptimin, bashkëpunimin dhe respektimin e institucioneve. Kjo është në përputhje të plotë me filozofinë e një partie në një fushatë zgjedhore. u kam bërë me dije se BE ka hartuar një rezolutë që u bën thirrje organeve shtetërore dhe partive politike për qetësi, për një klimë që i duhet t’i shërbejë fushatës zgjedhore, ku kanë hyrë subjektet politike. Kësaj rezolute FRD i përgjigjet me sjelljen e saj dhe këmbënguljen për t’i dhënë zgjidhje kësaj cështje të panevojshme. Kërkesa jonë u pranua nga gjykata dhe do i bashkohet cështjes për shqyrtimin e saj në themel. Kemi dorëzuar sot edhe padinë për shqyrtimin e cështjes në themel, që kërkon ndalimin e të gjitha akteve të paligjshme të bashkisë. Kjo kërkesë do shqyrtohet brenda 5 ditëve. Ne jemi në fushatë, po vijojmë fushatën. FRD do ketë rezultate spektakolare në këto zgjedhje, po ashtu edhe Aleanca për Ndryshim me kryetarët e së cilës kam patur një kontakt telefonik dhe japin mbështetje të plotë për gjendjen ku ndodhemi. I bëj thirrje z.Veliaj mos sillet si drejtues i PS, por si kryetar i bashkisë së Tiranës. Ne kërkojmë dhe do ua bëjme me dije institucioneve, po ashtu edhe selive diplomatike se jemi në rrugën e ligjit, jemi në selinë tonë, që na e garanton ligji mbi partitë politike.”- u shpreh Shehu.
