“Nuk kam lidhje me vrasjen. Kam qenë afër vendit ku u vra Majollari, pasi 50 metër më larg kam shtëpinë e vjehrrës”, kjo ka qenë deklarata e Kastriot Gjuzit, i cili ka dalë sot para togave të zeza të Gjykatës së Tiranës, pasi akuzohet për vrasjen e Marjo Majollarit me datë 10 prill në Kinostudio.
Vrasja dyshohet të jetë kryer për motivin e hakmarrjes, pasi babai i Marjos ka vrarë në vitin 2000 vëllanë e Kastriot Gjuzit.
Megjithatë Gjykata e Tiranës ka vendosur që të lërë në arrest me burg Kastriot Gjuzin. “U largova se erdhën shumë forca policie dhe mendova se mos kishin bërë ndonjë gjë nipërit e mi. Po kthehesha nga Kosova në Shqipëri me dëshirën time, nuk po tentoja të largohhesha”, ka shtuar Gjuzi.
