Kryedemokrati Sali Berisha, teksa komentoi shfaqjen e Belinda Ballukut ditën e djeshme në urën e Mifolit, i bëri thirrje qytetarëve që kudo që të shohin ministrat e kabinetit qeveritar Rama, t’i godasin ata me vezë dhe domate. Sipas Berishës, ata janë shkaktarët kryesorë të përmbytjeve.
Nga tryeza e opozitës me forca politike dhe shoqërinë civile, Berisha tha se Rama po shkel drejtësinë për rastin Balluku.
“Ata që falimentojnë nisen drejt Europës, për një kafshatë, për një punë. Me mijëra punëtarë, intelektualë, sot kanë ikur. Shqiptarët kanë treguesin e lindshmërisë më të vogël në botë. Rama ka përqendruar çdo gjë në duart e tij. Ka përvetësuar taksat e qytetarëve. Ky ka zgjedhur Troplinët që të përfitojnë pa taksa.
Nuk ka një kryeministër në botë që të ketë bërë këto që thotë ky. Rezultatin kërkon që të marrë peng në Lozanë të Zvicrës dhe ta sjellë këtu. Altin Dumanin e ka në xhep ky, e ka mercenar të vetin. Nuk heq imunitetet! Do i lutem çdo shqiptari, të rikthhet pak në vitet 2005-2013.
Çdo kërkesë e paraqitur nga prokuroria, është zbatuar pa asnjë lloj komenti. Çdo ministër, që u kërkua të hetohej, ka dorëzuar vetë imunitetin. Ja ku është Fatmir Mediu, apo Meta. Apo ai tjetri, dy herë, Lulzim Basha. Ky përdor drejtësinë, segmente të saj për të bllokuar drejtësinë. Ështe grusht shteti.
E kishte dërguar dje Lubi Ballukun te ura e Mifolit. I bëj thirrje qytetarëve, kudo ku t’i shihni ministrat, i gjuani me vezë dhe domate. Këta janë shkaktarët kryesorë. I dëgjuat sot? Po shpifet! Dy hidrovorët, i Durrësit dhe i Hamallës, janë vjedhur pompat. Durrësi është përmbytur në mënyrë apokaliptike, se aty ka qenë kënetë. Nëse ujërat nuk hiqen, përmbyten. Nuk shpall gjendjen e jashtëzakonshme, pasi e detyron që t’u përgjigjet atyre qytetarëve. Fondet rezervë detyrohet ta çojnë drejt tyre. Dhe thotë: po na përçajnë”, tha Berisha.
