Gjatë një takimi me Raporterin për Shqipërinë në Parlametin Europian, Knut Fleckenstein, Ministrja e Integrimit, Klajda Gjosha, u shpreh se institucionet shqiptare duhet ta shohin këtë rezolutë si shtysën më të fortë për të arritur rezultate të prekshme me zbatimin e ligjit të vettingut.
“Është me rëndësi madhore për vendin, që zbatimi i ligjit të vettingut të bëhet në mënyrë transparente. Vetëm kështu qytetarëve shqiptarë do t’i rikthehet besimi të drejtësia dhe vetëm kështu ne do të mund të avancojmë me procesin e integrimit”, tha Ministrja Gjosha.
