Ministrja e Integrimit Klajda Gjosha, ka deklaruar që në zgjedhjet e ardhshme parlamentare kreu i LSI-së Ilir Meta duhet të bëhet kryeministër.
Në një prononcim për televizionin lokal SOT7 në Pogradec, Gjosha tha se me entuziazëm dhe punë do të arrijmë të bëjmë LSI-në forcë të parë politike dhe Metën Kryeministër.
“Nuk është sekret që ne duam që Meta të jetë kryeministër, ai është njeri që i ka dhënë shumë dialog dhe konstruktivitet politikës shqiptare. Ne duhet të ndalim arrogancën dhe t’i rikthehemi një politike që e duan njerzit dhe i shërben njerzve dhe popullit shqiptar. Unë jam e sigurt që me gjithë entuziazmin që mbizotëron kudo në Shqipëri sidomos me atmosferën që gjeta me gratë dhe vajzat e Pogradecit besoj se ne do të arrijmë ta bëjmë Metën Kryeministër, ashtu sic do të mundësojmë që LSI të jetë forcë e pare”.- është shrephur Gjosha
Gjosha u bëri thirrje palëve të ulen për dialog për të cuar para procesin e vetting-ut, ngecja e të cilit sipas Gjoshës sjell pasoja negative në të ardhmen europiane të vendit.
“Unë gjithmonë besoj se është maxhoranca ajo që duhet të thërrasë dialogun, është bërë një hap për këtë dhe unë dua t’i shoh të gjitha palët e ulura bashkë që të diskutojnë dhe flasin për zgjidhje. Sepse duke u ulur bashkë në një tryezë përçojmë edhe kulturën europiane që duhet të ketë politika shqiptare”, tha Gjosha.
