Gjykata Kushtetuese ka shtyrë sërish seancën për shkarkimin ose të Presidentit Ilir Meta për në datën 7 shkurt ora 10:00, kjo pasi gjyqtarët i kanë drejtuar 70 pyetje Presidencës dhe i kanë lënë 48 orë kohë për përgjigje.
Pas parashtrimit nga palët dhe pyetjet e anëtarëve të Gjykatës Kushtetuese, kjo e fundit u tërhoq për vendim pasi përfaqësuesi ligjor i Presidentit të Republikës Bledar Dervishaj kërkoi kohë për t’u konsultuar me kreun e shtetit për përgjigjet.
Kjo është seanca e dytë që po mbahet për shkarkimin e Metës, pas asaj të zhvilluar dy ditë më parë, e cila përfundoi pas shumë orësh pa një vendim. Sikurse raportuam më herët, edhe seanca e sotme pritej të mbyllej pa një vendim final për fatin e Presidentit Meta, për shkak se si përfaqësuesit e Kreut të Shtetit, ashtu edhe gjyqtarët, do duan kohë.
