Shoqja e ngushtë e 15-vjeçares së dhunuar nga roja i shkollës Abaz Dogu dhe tre të rinj në Babrru ka zbuluar detaje të reja tronditëse.
Ajo ka zbuluar se problemi nuk ishte vetëm te roja i shkollës Abaz Doku, por më gjerë, duke bërë publik një rrjet të struktuar kriminal.
Në emisionin “Me zemër të Hapur” tregoi se ishte ajo që nxiti 15-vjeçaren të denonconte rojen e shkollës që priste gjithë kohës në banjon e vajzave dhe priste deri sa të dilnin. “Jo Abazi me mua s’ka arritur të abuzojë sepse kam lënë shkollën në klasë të 7. Ndryshova shkollën. Kur shkonim në banjo e gjenim gjithmonë në banjon e shkollës. Dhe duhet të prisnim derisa ai të dilte. Pasi janë larguar unë nga shkolla, janë vendosur kamera.
“Mua s’mi merrnin për bazë denoncimet në shkollë sepse për mua gjithmonë kanë menduar se jam problematike, e dobët në mësime. Kur kam qenë në klasë të 7 një djalë shkolle më përplasi pas murit. Kam qenë e bullizuar në shkollë sepse konsideroheshim si nxënës të dobët”, thotë ajo.
Ajo tha se dy vajza, më të mëdhaja se ajo, kanë shfrytëzuar pasionin e saj për muzikën, duke e joshur me fjalë, me premtime dhe vegla muzikore, me qëllim trafikimin e saj. Ajo tha se një ditë pas një debati në familje, u largua dhe iku jashtë qytetit me këto vajza.
“Dy vajza erdhën në shkollë dhe më treguan mjete muzikore, fillova të shoqërohesha me to, fillova të lija mësimet dhe orët e shkollës. Ato ishin 20-25 vjeçe. Kemi folur vetëm rreth muzikës dhe mjeteve muzikore. Pasi u largova nga shtëpia, pas një debati në familje, takova këto dy vajza, këto do iknin për qejf në një qytet jashtë Tirane dhe jam nisur me to dhe pastaj kur shkuam atje na çuan në një shtëpi që më duket se e kishin të tyren. Tre ditë nuk fola me famijen, merr mami në tel dhe më thotë që kthehu se do operohem nuk kam shpëtim, dola nga dritarja pa dijeninë e tyre, më priste mami”, tha ajo.
Pyetje: Çfarë do ndodhte nëse do i thoje këtyre vajzave që do largohem?
“Nuk e di se çfarë do ndodhte. Kisha frikë. Shkova drejt e në komisariat sepse mamaja kishte bërë një denoncim, në janar 2018. Në polici i dhashë emrat e atyre vajzave, por u mbyll dosja se vajzat nuk u gjetën. Ato vajza mund të jenë të lira edhe sot”.
Pyetje: Për opinionin publik janë të njohura këto vajza?
“Jo nuk janë të njohura.
Kur u abuzove?
Pasi jam larguar sërish nga shtëpia, jam nisur drejt Durrësit dhe kam njohur dy vajza të tjera, 17 dhe 15 vjeçe. Aty jetonim në shtëpinë e 17-vjeçares, e cila shfrytëzonte edhe motrën e saj, si mua. Edhe mamanë nuk e pyeste shumë, ndërsa motrën e saj e fejoi, sot ka një fëmijë, është 17 vjeçe. Në këtë kohë, edhe unë jam abuzuar seksualisht.
Merrte para?
Jo asnjë lloj paraje. Ajo punonte në një muzikë nate. Pasi na jepte lëndë narkotike, nuk dinim pastaj asgjë çfarë ndodhte me ne.
Sa kohë ke që ke dalë nga rehabilitimi?
Kam dalë në korrik të 2019. Kam shkuar më 28 maj të 2018.
Pse dole?
Tani ndihem në rregull, e rehabilituar, kam marrë shërbime shumë të mira. Jam shumë e qetë.
Ke menduar çfarë do të bësh me jetën tënde?
Kam mbaruar një kurs profesional për kuzhinë te qendrat ku isha, e kam bërë me shumë dëshirë. Sot jam minorene dhe nuk ka punë, por do të pres edhe ca për të filluar punë.
Ke menduar t’i rikthehesh shkollës?
Po, kam menduar, por me pak frikë, me atë bullizmin si më parë.
Mamaja e vajzës: Vajzës i ka mbetur traumë, çdo pjesë që i ka ndodh i ka mbet nga mbrapa.
