Kryetari i Akademisë së Shkencave Skënder Gjinushi, nga Shkodra i është përgjigjur rektorit të Akdemisë studimeve Albanologjike Luan Përzhitës, ku një ditë më parë në një intervistë për Abc, ai tha se nuk është mandatuar për të shkrirë institutet, por për t’i çuar përpara.
Gjinushi, megjithëse nuk preferon të përdorë fjalën shkrirje, nuk heq dorë nga projektvendimi që të ketë në varësi 4 institutet që prej 14 vitesh drejtohen nga AKADEMIA E STUDIMEVE ALBANOLOGJIKE.
“Nuk e di nga e keni gjetur këtë fjalën e shkrirjes. Bëhet fjalë për ngritje, ribashkim të Akademisë së Studimeve me të Shkencave që vazhdimisht kanë punuar bashkë,” tha ai.
“Akademia s’e ka luksin të jetë honorifike,” shtoi ai.
Beteja mes Akademisë së Shkencave dhe Akademisë së studimeve albanologjike pritet të finalizohet, pas shprehjes së Këshillit të Ministrave dhe ministrisë së Arsimit, ku të dy palët shprehin pretendimet e tyre njëra kërkon varësi, e tjetra kundërshton atë.
