Është shpresëdhënëse të dëgjosh mbi adoleshëntë që orët e lira zgjedhin t’i kalojnë në formën më njerëzore, ndoshta duke humbur disa nga argëtimet e moshës. E tillë është Hiljana Biba, studente në gjimnazin “Petro Nini Luarasi”. Është vetëm 18 vjeç dhe thuajse prej një viti një viti, bashkë me të gjithë ata që i janë bashkuar nismës së saj ndihmon modestisht të pastrehët.
Hiljana e quan #Smiles, shoqatën që drejton ndërsa njofton se duke filluar nga data 4 Nëntor, të gjithë pjestarët e organizatës do të shpërndahen në qytete të ndryshme të Shqipërisë, për t’i ardhur në ndihmë atyre që gjenden në nevojë.
Të rinjtë do të shpërndajnë elemente bazike jetike si rroba, ushqime, batanije, etj.
Me 4 nëntor ata do të jenë në Durrës, duke vijuar më pas në Fier, Berat e qytete të tjera duke e përmbyllur me Tiranën.
Hiljana thotë se të gjithë ata që kanë dëshirë të marrin pjesë deri me datë 3 nëntor, duhet të antarësohen në www.smileshope.webs.com , ku sigurisht mund të gjejnë edhe informacione më të detajuara për hapat e mëtejshëm.
