Sekretari i Përgjithshëm i PS, Damian Gjiknuri ka hapur mbledhjen e Asamblesë së PS ditën e sotme. Gjatë fjalës së tij ai nuk ka kursyer të tregojë dhe “oreksin” që ka PS për të marrë të gjithë vendin në dorë. Ai tha se PS duhet të ndezi motorët për zgjedhjet e vitit të ardhshëm.
Gjiknuri u shpreh se PS ka si objektiv pse jo fitimin e të gjitha bashkive të vendit, në zgjedhjet e vitit 2023. “Punët do të shtohet edhe përgjegjësisë, pse jo në zgjedhjet e ardhshme PS të arrijë të fitoj të gjitha bashkitë”, tha ai.
Asambleja gjatë ditës së sotme do të përcaktojë axhendën e socialistëve në 6 muajt e fundit të vit. Fokusi i kësaj mbledhjeje do të jetë me qëllim zbatimin e vendimeve të miratuara në Kongresin e 9 prillit. Ndryshimet kryesore iu referuan më së shumti një reformimi të brendshëm të partisë me ndryshimet statutore.
