Kancelarja gjermane, Angela Merkel ka dalë kundër veshjes së burkave, duke tënë se veshja e një “perdeje” që mbulon thuajse plotësisht fytyrën duhet të ndalohet në vend, “kudo që është e mundur ligjërisht diçka e tillë”.
Gjatë një takimi të partisë së saj CDU, ajo doli në mbrojtje të ndalimit të të ashtuquajturave “burka” nëpër shkolla, gjykata dhe ndërtesat e tjera shtetërore. Megjithatë është gjerësisht e pranueshme se ndalimi total i këtyre veshjeve do të ishte në shkelje të Kushtetutës së Gjermanisë.
Në kulturën gjermane, – tha ajo, – nuk është aspak e përshtatshme që gratë të mbulojnë tërësisht fytyrat e tyre, ndaj dhe kjo lloj veshjeje “duhet ndaluar kudo ku është ligjërisht e mundshme”.
Merkel u rizgjodh si kryetare e CDU-së, por përballet me një sfidë të fortë nga partia e ekstremit të djathtë antiemigracion, “AfD” (Alternativa për Gjermaninë), në zgjedhjet e vitit të ardhshëm.
