Deputeti Tritan Shehu gjatë seancës plenare të mbajtur sot ka ngritur tonet për shkelje të rregullores pas kërkesës së grupimit të tyre për rezolutën e krimeve serbe në Kosovë. Ai kërkoi nga Enkelejd Alibeaj të ngrejë zërin po ashtu për rezolutën e gjenocidit.
“Akoma nuk ka asnjë përgjigje nga ju dhe nuk është bërë as mbledhja e konferencës së kryetarëve. Mbi të gjitha në një parlament është rregullorja. Pra kemi një shkelje shumë të rëndë që lidhet padyshim me elementë të tjerë politikë. Kërkoj që sonte të mblidhni konferencën e kryetarëve dhe të vendoste çfarë do të bëhet me rezolutën për gjenocidin serb.
Një kërkesë të ngjashme e ka paraqitur edhe zoti Alibeaj. Nuk ka asgjë të keqe. Sa më shumë të kërkojmë aq më mirë është. Por u kërkoj të gjithë atyre edhe zotit Alibeaj të ngrejë edhe ai zërin për një shkelje kaq të rëndë të rregullores. Ju takon ju zonja nën kryetare të merrni masa. Është një shkelje shumë e rëndë nga ju dhe nga ata që heshtin”, tha Shehu.
Gjithashtu Shehu ka kërkuar që të mblidhet Konferenca e Kryetarëve.
Nga ana e saj zëvendëskryetarja Ermonela Felaj, i përgjigj deputetit Shehu duke theksuar se Konferencën e thërret kryetari.
” Unë i referohem rregullores, Konferencën e thërret kryetari.”, tha ajo.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
