Gjatë mbrëmjes së djeshme në spitalin e Krujës ka pasur një gjendje alarmante. Raportohet se shumë pacientë janë paraqitur për të marrë ndihmën e parë mjekësore pasi dyshohet se janë helmuar nga uji.
Në dy ditët e fundit në urgjencën e Infektivit dhe atë të Pediatrisë ka pasur fluks pacientësh me diarre dhe të vjella.
“Kam tre kalamajtë e vëllait dhe vëllain. Vetëm bark e të vjella, nuk dimë gjë tjetër,” tha një banore.
Policia e Krujës ka ngritur një grup pune për sqarimin e rrethanave dhe zbardhjen e shkakut. Gjithashtu për situatën kanë vënë në dijeni organet e shëndetit publik dhe të AKU-së. Policia sqaron se janë në pritje edhe të rezultateve të analizave të ujit.
