Një shtetas italian është gjetur i pajetë në katin e gjashtë të një pallati në Kavajë. Në trupin e viktimës nuk janë konstatuar shenja dhune dhe dyshimet e para janë se mund të ketë ndërruar jetë për shkak të ndonjë sulmi në zemer.
Mësohet ai i kishte humbur kontaktet me familjarët e tij në Itali që prej orën 08:15 të mëngjesit të sotëm, ndërsa nuk ju është përgjigjur thirrjeve të tyre në telefon.
Viktima mësohet se është shtetasi Xhuzepe Klemente, rreth 70 vjeç, i cili mësohet se kishte pasur probleme të shumta shëndetësore në të kaluarën.
Raportohet se i moshuari italian kishte lënë amanet para se të ndahej nga jeta që të varrosej në Shqipëri. Ndërkohë, trupi i pajetë do të dërgohet te morgu i Tiranës, pasi është nënshtetas i huaj.
