Një ditë më parë oficerët e Komisariatit të Policisë numër 4, kanë finalizuar operacionin “Maja e Ksulit”, ku edhe kanë gjetur një parcelë me 434 rrënjë kanabis sativa. Në pranga është vënë Aqif Kryeziu, 54 vjeç, banues në Tiranë.
Nga informacionet që disponoheshin nga specialistët e policisë, se në afërsi të fshatit Urë, në vendin e njohur si Maja e Ksulit, në një parcelë ishin kultivuar bimë narkotike, janë organizuar shërbimet me qëllim identifikimin e vendndodhjes dhe kapjen e personave përgjegjës të kultivimit të bimëve narkotike.
Nga kontrollet e ushtruara është gjetur parcela e kultivuar me bimë narkotike kanabis sativa, ku Aqif Kryeziu ndodhej në këtë parcelë.
Policia thotë se po punon për identifikimin dhe dokumentimin e përfshirjes së personave të tjerë në këtë veprimtari kriminale.
