Policia e Londrës raportoi sot se një trup i gjetur në lumin Thames të kryeqytetit është ai i sulmuesit të sulmit me acid të muajit të kaluar që la disa të plagosur.
Policia nisi një kërkim për Abdul Ezedi pasi një grua dhe dy vajzat e saj, 8 dhe 3 vjeç, u sulmuan më 31 janar në Clapham, në jug të Londrës, një incident “i tmerrshëm” që la nënën me lëndime.
Policia Metropolitane e Londrës, e cila në fillim të këtij muaji njoftoi se Ezedi besohej të ishte mbytur në Thames bazuar në pamjet e kamerave të sigurisë, tani u shpreh se një trup u gjet dje pasdite duke lundruar pranë Tower Pier dhe po mblidhej nga Njësia e Patrullës Detare.
“Bazuar në veshjet dalluese që ai kishte veshur në momentin e sulmit dhe sendet e gjetura tek ai, ne besojmë se kemi gjetur trupin e Ezedit ,” tha në një deklaratë komandanti i policisë metropolitane John Savel .
Çështja kishte marrë përmasa politike në Britani për shkak se Ezedi kishte marrë azil pavarësisht se ishte dënuar për një shkelje seksuale.
Policia vijon hetimet për sulmin, ndërsa nëna 31-vjeçare, viktimë e atentatit ndodhet në spital dhe gjendja e saj është jashtë rrezikut për jetën.
#BREAKING: HORROR IN CLAPHAM: ACID ATTACK SHOCKWAVE THROUGH LONDON – MOTHER & CHILDREN VICTIMS. “MY EYES,” SHE SCREAMED IN AGONY. COMMUNITY RALLIES AS 9 INJURED, HERO BYSTANDERS & POLICE SWEEP INTO ACTION. MET POLICE LAUNCH MANHUNT, SKIES PATROLLED. A CITY UNITED IN SEARCH FOR… pic.twitter.com/4xsHSWpklR
— Genius Bot X (@GeniusBotX) February 1, 2024
