Kryetari i këshillit të qarkut në qytetin Kassel të Gjermanisë, Walter Lubcke është gjetur i vrarë me plumb në kokë në oborrin e shtëpisë së tij.
Mediat gjermane shkruajnë se politikani është gjetur i vrarë me plumb, në orën 00:30 të dielën në mëngjes (22:30 GMT të shtunën) në tarracën e shtëpisë së tij në fshatin Istha.
“Ne jemi thellësisht të tronditur nga vdekja e papritur e mikut tonë”, tha kryeministri i shtetit Hesse Volker Bouffier.
Policia ka rrethuar banesën e politikanit dhe ka marrë në mbrojtje familjen e tij.
