Gjendet trupi i pajetë i një personi në Kurbin.
Mësohet se viktima është gjetur në lumin pranë fshatit Skuraj.
Raportohet se bëhet fjalë për shtetasin Luigj Gjeloshi, i cili dyshohet të jetë mbytur në lumë.
Mbrëmjen e djeshme, Luigj Gjeloshi ishte duke udhëtuar së bashku me bashkëshorten dhe vajzën e tij.
Ai pasi kishte hipur në urë, punonjësit e policisë i kanë bërë thirrje të ndalojë, por ai nuk i ishte bindur dhe kishte vazhduar të ecë.
Gjeloshi kishte ndaluar në mes të urës dhe ka tentuar të dalë nga makina, por ka rënë aksidentalisht nga lartësia.
Trupi i tij u gjet i pajetë mëngjesin e sotëm pranë lumit.
