Nga foltorja e Kuvendit, Gjekmarkaj shkolla parauniversitare filloi me rrëmujë, një javë me turne e më pas të gjithë bashkë, ndërsa mësuesit e Tiranës nxirren në punë të shtunë dhe të dielë, u dërgohen SMS dhe u thohet kujdes se jeni në fokus.
Gjekmarkaj: Mjafton të shikoni kryeministrin si na shikon, na kujton ditën e gjykimit si Jezusi në Galile. Mesia dhe dishepujt nuk administrojnë, falë tyre Shqipëria buzqesh dhe nuk zgërdhihet, falë tyre mbin bari, dhe ujkun nuk e ha gomari. Falë tyre mblidhet dhe ky parlament, falë tyre hapët dhe universiteti më 18 tetor. Cila qeveri në botë ia del ti japë kaq gëzim qytetarve të vet, të pamundurën e bën të mundur. Ne luftuam që në fillim pandeminë me autoblinda dhe mitralozë. Kur e kujtoj atë vakt më ngjan se Manastirliu e hypur në tank, hedh bumje dhe vret pa frikë 300 apo 400 viruse të tërbuara që kishin marrë rrugën për në Surrel.
Shkolla parauniversitare filloi me rrëmujë, një javë me turne e më pas të gjithë bashkë. Mësuesit e Tiranës nxirren në punë të shtunë dhe të dielë, u dërgohen SMS dhe u thohet kujdes se jeni në fokus. Në një shoqëri shumë pak të vaksinuar, si pedagog shfrytëzoj këtë foltore për t’ju thënë vaksinohuni. Po kjo fushatë nuk mund të fillonte vetëm 1 javë para se te niste shkolla por të paktën deri në korrik. Do të ketë shumë kontroll dhe më pak mësim, apo më shumë mësim e më pak kontroll. Si do të veprohet nëse do të sëmuren disa studentë, sa lekë ka vendosur kjo qeveri në dispozion. Zoti Kryeministër i munguar, ministrat e munguar, një shqetësim është shfaqur këto ditë për kulturën dhe dijen. Ka një tentativë për të asgjësuar qendrën albanologjike me kërkesë të Skënder Gjinushit. Zoti kryeministër ajo është dukuri shkatërruese se sa herë ndryshohet qeveria, bëhen këto akte kriminale.
