Është zbardhur akt-padia e ish-bashkëjetueses së Dan Hutrës, Elena Hysa, e cila së bashku me të ëmën, mbetën të plagosura sot nga sulmi me armë i 40-vjeçarit, ndërsa u vranë motra dhe kunata e saj.
Dëshmia e saj është tronditëse. Ajo rrëfen disa episode ku është dhunuar fizikisht dhe psikologjikisht nga Hutra dhe është trajtuar si skllave.
Elena thotë se ish-bashkëshorti i kërkonte që t’ia hiqte dhe vishte çorapet nga këmba, mëngjesin dhe kafen t’ia çonte te krevati.
Po ashtu në vendimin e Gjykatës së Rrethit Gjyqësor Tiranë ndaj Hutrës, thuhet se Elena ishte larguar nga banesa ku jetonte me Hutrën dhe ka shkuar te prindërit e saj pas disa komplikacioneve shëndetësore që ka pasur. E reja dyshonte se ishte shtatzënë, por Dan Hutra iu kishte thënë familjarëvë se ish-bashkëjetuesja e tij ishte e sëmurë dhe se nuk ishte në pritje të një fëmije.
Pas largimit të ish-bashkëjetueses, 40-vjeçari shkoi te banesa e prindërve të saj dhe iu kërkoi 4 mijë euro të cilat ishin shpenëzimet e fejesës. Madje ai i kërcënoi familjarët e Elenës duke iu thënë: “Nëse nuk mi jepni do ta bëj vendin gjak, nuk do mbaj kopilin tuaj, do flasin mediat botërore për mua”.
“Para disa ditësh ka pasur disa shqetësime shëndetësore dhe së bashku me vjehrrën e saj kanë shkuar në farmaci ku kanë marrë një test shtatzënie. Pasi e ka aplikuar ka rezultuar pozitive dhe menjëherë ka telefonuar Danin për t’i dhënë lajmin. Ai e ka pritur shumë mirë dhe kanë organizuar një darkë familjare ku ka qenë të ftuar të dy familjet. Pas kësaj kanë bërë një eko barku dhe disa analiza. Në mbrëmje Dani ka komunikuar me spitalin ku ka marrë rezultatin e analizave por nuk ka treguar gjë. Në mëngjes Dani i ka thënë “më ke hy në gjak” por nuk i ka treguar arsyen.
Ai i kishte thënë familjarëve të tij se Elena ishte e sëmurë dhe jo shtatzënë pasi ato e telefononin për ta pyetur si ishte gjendja e saj. Duke u ndodhur në këtë situatë është larguar nga banesa dhe ka shkuar në banesën e prindërve ku më pas ka vajtur dhe shtetasi Dan Hutra duke iu drejtuar babait të saj me fjalët “Dua kokë njeriu, do shkojë gjaku deri në gju sepse vajza juaj më ka ikur nga shtëpia.”
Përpara se të largohej i ka kërkuar babait të vajzës ti kthente 4 (katër) mijë euro, të cilat ishin shpenzimet e fejesës. Ditën e djeshme nëna e saj shtetasja Kujtime Hysa i ka dhënë 1850 (një mijë e tetëqind e pesëdhjetë) euro por ai ka telefonuar përsëri duke kërkuar pjesën tjetër e duke kërcënuar me fjalët që nëse nuk i gjejnë do vij te shtëpia e do ta bej vendin gjak.
Pas kësaj telefonate ka shkuar te shtëpia e tyre dhe ka kërkuar pjesën tjetër duke thënë: “Nëse nuk mi jepni do ta bëj vendin gjak, nuk do mbaj kopilin tuaj, do flasin mediat botërore për mua”. Ndër të tjera ajo ka treguar se ndihet e frikësuar për jetën e saj dhe të familjarëve pasi shtetasi Dan Hutra është dënuar më parë për vrasjen e ish-bashkëshortes së tij”, thuhet ndër të tjera në vendimin e Gjykatës së Tiranës.
/ A2 CNN /
