Gigi Hadid dhe Zayn Malik do të shfaqen në kopertinën e muajit gusht të revistës prestigjoze Vogue dhe ky është vetëm fillimi.
Ata do të shënojnë kështu të tretën kopertinë të Vogue-s amerikane në vetëm 1 vit për supermodelen bukuroshe dhe të dashurin e saj 24 vjeçar. Si pjesë e revistës Hadid pati gjithashtu mundësinë që t’iu përgjigjej disa pyetjeve unike për seksionin “73 pyetje”. Kur u pyet për gjestin më romantik që Malik kishte bërë ndonjëherë për të, ajo u përgjigj se e kishte marrë në një udhëtim me varkë për Shën Valentin vitin e kaluar. Ata ishin në qendër të vëmendjes dhe Gigi tregon që fakti që mundën t’u shpëtonin paparacëve ishte fantastike. Ndodh që edhe yjet e superpaguara të spektaklit të kënaqen me pak… gjithmonë nëse një udhëtim me varkë mund të konsiderohet pak.
