Gëzim Çela, i njohur si “Baroni” do të ekstradohet nga Kosova drejt Shqipërisë. Çela është një prej emrave të shpallur në kërkim nga SPAK, ndërsa ekstradimi i tij do të realizohet me një procedurë të thjeshtë, pas lejes së dhënë nga Gjykata Themelore e Ferizajt dhe pëlqimit të dhënë nga vetë ish-oficeri i forcave speciale.
Gëzim Çela u arrestua në dhjetor të 2023 nga Policia e Kosovës. Në Shqipëri ai kërkohej nga autoritetet, ndërsa arriti t’i shpëtonte operacionit të koduar ““Flakë në det”.
Policia zbuloi se Gëzim Çela dhe grupi i tij i ndihmuar nga shefi i komisariatit të Kurbinit, Dritan Metaj, trafikonte kanabis nga zona e Fushë Kuqes, ndërsa në Adriatik, duke përdorur një velierë, kanabisi shkëmbehej me kokainë.
Çela ka qenë i arrestuar më parë për trafik narkotikësh dhe shfrytëzim prostitucioni.
Çela ishte i kërkuar nga drejtësia shqiptare, në bazë të urdhër arrestit ndërkombëtar për shkak të dyshimit të bazuar se ka kryer veprën penale “trafikimi me narkotikë” dhe “prodhimi dhe mbajtja pa leje e armëve luftarake dhe municionit”.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë se kundër të njëjtit është lëshuar udhe arrest ndërkombëtar nga Interpoli, me kërkesë të datave 8 gusht 2014 dhe 1 mars 2022 të shtetit të Shqipërisë për shkak të veprave penale trafikimi me narkotik nga neni 283 a/2 dhe prodhimi dhe mbajtja pa leje e armëve luftarake dhe municionit nga neni 278/4 të Kodit Penal të Republikës së Shqipërisë (KPRSH) dhe Italisë, ngase i njëjti është dënuar me dënim burgimi në kohëzgjatje prej nëntëmbëdhjetë (19) vite e nëntë (9) muaj e njëzet e nëntë (29) ditë, për veprat penale të trafikimit me narkotikë.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform nenit 22 paragrafi 1 të Ligjit për Bashkëpunim Juridik Ndërkombëtarë në Çështje Penale (Ligji nr. 04/L-213) dhe të njëjtit i është caktuar masa e paraburgimit në kohëzgjatje prej katër dhjetë (40) ditëve”, thuhet në komunikatën për media nga Gjykata e Ferizajt, e cila miratoi ekstradimin e tij.
Gëzim Çela, i njohur si “Baroni” do të ekstradohet nga Kosova drejt Shqipërisë. Çela është një prej emrave të shpallur në kërkim nga SPAK, ndërsa ekstradimi i tij do të realizohet me një procedurë të thjeshtë, pas lejes së dhënë nga Gjykata Themelore e Ferizajt dhe pëlqimit të dhënë nga vetë ish-oficeri i forcave speciale.
Gëzim Çela u arrestua në dhjetor të 2023 nga Policia e Kosovës. Në Shqipëri ai kërkohej nga autoritetet, ndërsa arriti t’i shpëtonte operacionit të koduar ““Flakë në det”.
Policia zbuloi se Gëzim Çela dhe grupi i tij i ndihmuar nga shefi i komisariatit të Kurbinit, Dritan Metaj, trafikonte kanabis nga zona e Fushë Kuqes, ndërsa në Adriatik, duke përdorur një velierë, kanabisi shkëmbehej me kokainë.
Çela ka qenë i arrestuar më parë për trafik narkotikësh dhe shfrytëzim prostitucioni.
Çela ishte i kërkuar nga drejtësia shqiptare, në bazë të urdhër arrestit ndërkombëtar për shkak të dyshimit të bazuar se ka kryer veprën penale “trafikimi me narkotikë” dhe “prodhimi dhe mbajtja pa leje e armëve luftarake dhe municionit”.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë se kundër të njëjtit është lëshuar udhe arrest ndërkombëtar nga Interpoli, me kërkesë të datave 8 gusht 2014 dhe 1 mars 2022 të shtetit të Shqipërisë për shkak të veprave penale trafikimi me narkotik nga neni 283 a/2 dhe prodhimi dhe mbajtja pa leje e armëve luftarake dhe municionit nga neni 278/4 të Kodit Penal të Republikës së Shqipërisë (KPRSH) dhe Italisë, ngase i njëjti është dënuar me dënim burgimi në kohëzgjatje prej nëntëmbëdhjetë (19) vite e nëntë (9) muaj e njëzet e nëntë (29) ditë, për veprat penale të trafikimit me narkotikë.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform nenit 22 paragrafi 1 të Ligjit për Bashkëpunim Juridik Ndërkombëtarë në Çështje Penale (Ligji nr. 04/L-213) dhe të njëjtit i është caktuar masa e paraburgimit në kohëzgjatje prej katër dhjetë (40) ditëve”, thuhet në komunikatën për media nga Gjykata e Ferizajt, e cila miratoi ekstradimin e tij.
