Ministrat e Jashtëm të BE, si dhe ato të vendeve pjesëmarrëse në procesin e Berlinit, do të mblidhen të premten në Tiranë.
Takmi do të mbahet në Pallatin e Brigadave, ku në orën 9:00 do të priten delegacionet e vendeve përkatëse.
Veç ministrave të Jashtëm të vendeve të Ballkanit Perëndimor, si Kosova, Serbia, Maqedonia e Veriut , Mali i zi dhe Bosnje-Hercegovina, pjesë e takimit do të jenë edhe ministrat e shteteve anëtare të përfshira në Proces si Austria, Kroacia, Franca, Gjermania, Italia, Sllovenia dhe Mbretëria e Bashkuar.
Takimi do të kulmojë me një konferencë të përbashkët për shtyp mes Ministrit të Punëve të Jashtme të Shqipërisë Igli Hasani, i cili do të drejtojë edhe punimet e këtij takimi, Ministres së jashtme të Gjermanisë Annaklena Baerbock dhe Komisionerit të BE për Zgjerimin, Olivér Várhelyi.
Ajo që pritet me interes nga ky takim do të jenë diskutimet për çështjen e Kosovës dhe Serbisë përsa kohë të pranishëm do të jenë Minsitrat e Jashtëm të dy vendeve Donika Gërvalla dhe Ivica Daçiç.
Sipas informacioneve, ministrja e Jashtme e Gjermanisë, Annalena Baerbock do të ketë takime të ndara me të dy ministrat, të Kosovës dhe Serbisë. Burime diplomatike shprehen se kryediplomatja gjermane do të tentojë realizimin e një takimi të përbashkët të dy ministrave të Jashtëm, Donika Gërvalla dhe Ivica Daçiç, edhe pse për shkak të ngjarjeve të 24 shtatorit në Veriun e Kosovës, ngjan me një mision të pamundur.
Shqipëria do të bëhet për herë të parë vendi pritës i Procesit të Berlinit i cili do të mbahet në Tiranë më 16 tetor.
Ministrat e Jashtëm të BE, si dhe ato të vendeve pjesëmarrëse në procesin e Berlinit, do të mblidhen të premten në Tiranë.
Takmi do të mbahet në Pallatin e Brigadave, ku në orën 9:00 do të priten delegacionet e vendeve përkatëse.
Veç ministrave të Jashtëm të vendeve të Ballkanit Perëndimor, si Kosova, Serbia, Maqedonia e Veriut , Mali i zi dhe Bosnje-Hercegovina, pjesë e takimit do të jenë edhe ministrat e shteteve anëtare të përfshira në Proces si Austria, Kroacia, Franca, Gjermania, Italia, Sllovenia dhe Mbretëria e Bashkuar.
Takimi do të kulmojë me një konferencë të përbashkët për shtyp mes Ministrit të Punëve të Jashtme të Shqipërisë Igli Hasani, i cili do të drejtojë edhe punimet e këtij takimi, Ministres së jashtme të Gjermanisë Annaklena Baerbock dhe Komisionerit të BE për Zgjerimin, Olivér Várhelyi.
Ajo që pritet me interes nga ky takim do të jenë diskutimet për çështjen e Kosovës dhe Serbisë përsa kohë të pranishëm do të jenë Minsitrat e Jashtëm të dy vendeve Donika Gërvalla dhe Ivica Daçiç.
Sipas informacioneve, ministrja e Jashtme e Gjermanisë, Annalena Baerbock do të ketë takime të ndara me të dy ministrat, të Kosovës dhe Serbisë. Burime diplomatike shprehen se kryediplomatja gjermane do të tentojë realizimin e një takimi të përbashkët të dy ministrave të Jashtëm, Donika Gërvalla dhe Ivica Daçiç, edhe pse për shkak të ngjarjeve të 24 shtatorit në Veriun e Kosovës, ngjan me një mision të pamundur.
Shqipëria do të bëhet për herë të parë vendi pritës i Procesit të Berlinit i cili do të mbahet në Tiranë më 16 tetor.
