Bashkimi Europian i ka akorduar çmimin e parë për gazetarinë investigative për vitin 2019 gazetares së News 24, Klodiana Lala për shkrimin “Roli i krimit të organizuar në blerjen e votave”. Vlerësimi i gazetares Lala, nga Bashkimi Europian u bë nga një juri e pavarur që përbëhej nga Albana Kasapi, kryetarja e jurisë, Enver Robelli dhe Elira Çanga.
Ky ccmim i jepet gazetares për një investigim të kujdesshëm, verifikim të fakteve dhe vendosmëri për të hedhur dritë mbi një fenomen të pranishëm në shoqërinë shqiptare, por që rrallë është verifikuar tërësisht.
Bashkimi Europian i akordoi çmimin e dytë për gazetari investigative Merxhan Dacit nga “faktoje.al” dhe çmimin e tretë Andi Malasit nga Top Channel.
