Një gazetar i njohur i pavarur rus, Dmitry Tsilikin, është gjetur i vdekur në apartamentin e tij në Shën Petërsburg.
Policia e ka konfirumuar lajmin për vdekjen e 54 vjeçarit Tsilikin, i cili kishte pasur shumë plagë në trup, nga disa therje.
Sipas policisë, Tsilikin duket se kishte ndërruar jetë para dy ditësh.
Ata thanë se telefoni dhe kompjuteri personal i tij mungonin në banesë.
Policia tha se nuk ka të dyshuar dhe ka nisur hetimet.
Tsilikin ishte një gazetar shumë i njohur rus, shkrimet e të cilit fokusoheshin te kultura dhe muzika.
Ai gjithashtu ka shkruar për çështje sociale dhe të drejta të njeriut.
