Një kujtesë për Autoritetin Kombëtar të Ushqimit dhe Ministrin e Bujqësisë që e ka me merak produktin vendas që ta ruajmë dhe të mos i bëjmë antireklamë.
Kështu e nis shqetësimin e tij në lidhje me produktet e përditshme vendase që gazetari i njohur i Top Medias Denis Dyrnjaja konsumon në Shqipëri.
Përmes një statusi në “Facebook”, Dyrnajaja ka publikuar gjithashtu foto të shalqirit që sipas tij është një ndër produktet 100% të sigurta për të të vrarë e për të të marrë jetën.
“Ja shiheni vetë çfarë prodhojnë “vrasësit” e arave dhe serave, produkte të mrekullueshme dhe 100% të sigurt për të të vrarë e për të të marrë jetën.
Në këtë kuadër mendova që t’i bëj reklamë një shalqiri super, sikurse duket ky nga pamja. Një pamje e mrekullueshme, aroma nuk ka të përshkruar. Dhe kështu miq janë po kaq të mrekullueshme, edhe domatet, kastravecat, qershijat, rrushi etj fruta e perime prej të cilave në trupat tanë, por sidomos të fëmijëve tanë po rritet shëndetshëm kanceri dhe ne çdo vit kemi 5500 raste shumica kancer i rectumit ose njohur ndryshe si kanceri i zorrës së trashë.
Bravo, Bravo, ushqimet që duam!”- shkruan më tej gazetari.
