Kryetari i Partisë Demokratike Sali Berisha nuk ka lënë pa komentuar situatën e krijuar në mediat spanjolle, pasi Kryeministri i vendit tonë Edi Rama takoi mbretin e Spanjës, King Felipe VI.
Berisha ka publikuar videon ku spikeri spanjoll thotë që nuk njeh personat që po takonin Mbretin, referuar kryeministrit dhe bashkëshortes së tij. Berisha e quan Ramën si të parëndësishëm sepse pas 9 vitesh në pushtet asnjeri nuk e di kush është.
“Irrelevant. I parëndësishëm! Pas 9 vitesh në pushtet nuk e njohin se kush është! Spikeri spanjoll thotë: më vjen keq, por personat që po takojnë Mbretin janë të panjohur”, shkruan Berisha.
