Gazeta greke “Kathimirini” paralajmëron nëpërmjet një artikulli se qeveria e re e Kyriakos Mitsotakis do të ketë kushte të reja për Shqipërinë.
Gazetarët kanë folur me ekspertë pranë kryeministrit grek që kanë deklaruar se Greqia nuk do të bllokojë Shqipërinë dhe Maqedoninë e Veriut për hyrjen në BE por do të kenë kushtet e tyre sa ipërket negociatave.
“Greqia nuk do ti thotë jo askujt. Megjithatë, do të vendoset për termat” thotë një burim pranë Mitsotakis.
Athina pritet që të kërkojë mbrojtje më të mirë të të drejtave të minoritetit grek, në përputhje me rregullat dhe traktatet ndërkombëtare.
Në rastin e Maqedonisë ekspertët thonë se Athina do ti kërkojë Shkupit implementimin e marrëveshjes së Prespës.
