Gazeta më e shitur në Europë, “BILD”, njoftoi se në përballje me virusin dhe pandeminë kineze, “lockdown”, izolimi ishte një gabim i pamatshëm, një gabim shumë i madh. Ky përfundim u arrit pas një sondazhi të kryer me shumë figura publike, intelektualë, kritikë dhe opinionistë, politologë dhe ekonomistë.
Dhe duke riprodhuar komente nga shtatë intelektualë të mirënjohur, nga grupi i të pyeturve, gazeta “Bild” nënvizon që dyshimet, argumentat dhe përplasjet e këtyre muajve të izolimit, lidhur me kufizimin e të drejtave të njeriut, rezultojnë të vërteta. Mes izolimit njerëzve u janë cënuar të drejta themeltare.
Prof. Klaus Püschel, për shembull, një patolog, kreu i Institutit të Mjekësisë Ligjore në Spitalin Universitar të Hamburgut, e argumentoi me prova se “në fund, COVID-19 është një sëmundje virale si gripi, që në shumë raste është e parrezikshme dhe është fatale vetëm për raste përjashtimore”.
“Është e rëndësihme të shikosh post-aritmetikën e epidemisë, për të parë, nëse COVID-19 shkaktoi vdekje në nivelin e një pandemie”, vuri në dukje doktor Püschel. “COVID-19 rezultoi të ishte kashta që i theu shpinën devesë”.
Profesori Stefan Homburg i Universitetit të Hanover, një ish-këshilltar i qeverisë federale, pranon që shifrat zyrtare nuk e justifikojnë kurrësesi izolimin, karantinën.
Qeveritë e të gjitha shteteve, përfshi edhe Gjermaninë që duket se drejtonte të tjerët, bënë një gabim të pamatshëm, një gabim gjigant me mbylljen, izolimin e vendit, Europës dhe botës.
Frika është që pasojat mund të jenë të mëdha dhe shpresa le të mbetet që qeveritë nuk do të ndërmarrin ndonjë valë të dytë masash dhe rekomandimesh, por do të hapin urgjenisht dhe tërësisht vendet e tyre.
Marrë me shkurtime nga syri.net
