Disa nga drejtuesit e drejtorive kryesore të Bashkisë së Tiranës janë zëvendësuar me emra të rinj.
Vendimi është marrë nga kryetari i Bashkisë së Tiranës, i cili ka ndryshuar drejtorët e Ujësjellës-Kanalizimeve të Tiranës, të Agjencisë për Mbrojtjen e Konsumatorit, të Tirana Parking, të Kopshtit Zoologjik, Qytetit Studenti, si dhe disa prej qendrave sociale dhe muzeumet. Në total, flitet për rreth një duzinë me drejtues të zëvendësuar. Mes të larguarve është edhe kreu i Policisë Bashkiake Ermal Kapllani, shkarkimin e të cilit “Gijotina” e raportoi një muaj më parë.
Largimi i krerëve të institucioneve është një taktikë e përdorur shpesh nga socialistët para se ata të ‘paketohen’ për SPAK. Rasti i fundit ishte i Jurgen Cyrbjes, i cili pasi u thirr në Prokurorinë e Posaçme, dorëzoi mandatin një ditë më pas dhe më vonë u arrestua. Shembuj ka edhe në bashkinë e Tiranës, si drejtorët e përfshirë në procedimin penal të njohur si 5D.
Një tjetër hipotezë e përfolur në media për ndryshimet është ajo e përgatitjes së terrenit për zgjedhjet e reja parlamentare që po afrojnë. Referuar kësaj pandehme, ndryshimet vijojnë në mënyrë që Veliaj të ketë një kontroll më të madh mbi administratën, me qëllim maksimizimin e votës për parlamentaret e vitit të ardhshëm. Përdorimi i administratës në zgjedhje ka qenë një nga teknikat e pista të përdorura nga PS në zgjedhje, e dokumentuar nga edhe nga raportohet e ODIHR.
Drejtorët e rinj
UKT – Elda Muçi
Policia Bashkiake – Toni Beni
DPN2 – Piro Sinjari
Tirana Parking – Flavio Barçi
Kopshti Zoologjik – Ervis Rrahmani
Shtëpia Studio “Kadare-Agolli” – Anisa Ymeri
RSU1 “Qyteti Studenti” – Renato Pashollari
AMK – Blerta Dardha
Qendra Komunitare Shkozë – Aldo Aga
Qendra Sociale “Strehëza” – Gentjana Lasku
