Sanremo 2016 tërhoqi jo pak vëmendjen e publikut, sidomos atij femëror, me aktorin Gabriel Garko, i cili shfaqej për herë të parë në rolin e prezantuesit. Por Garko padyshim do të mbahet mend dhe për deklaraten se suksesin e ka falë bukurisë. Gjatë një interviste me Alessandra Vitalin ai shprehet se “Nëse unë jam këtu është për shkak të bukurisë sime”. Gjatë intervistës aktori i përgjigjet kritikave që i vijnë, kryesisht nga rrjetet sociale, me batuta dhe buzëqeshje dhe me një sens të vërtetë autoironie. “Nëse nuk më sulmojnë do të bëhesha merak, thotë ai, duke shtuar se kishte premtuar të ishte vetvetja deri në fund”. Ndërsa për bukurinë ai thotë se “Koha që kalon nuk më shqetëson aspak. Me bukurinë kam një marrëdhënie të mrekullueshme, kjo është një dhuratë që nuk e mohon dot. Nëse jam aty ku jam është falë saj”, shprehet ai.
Një nga momentet më kulminante të spektaklit të Sanremos ishin shikimet plot pasion që ai i jepte aktores Nicole Kidman e ftuar në skenë. “Jam aq i emocionuar sa natën e parë që zbrita shkallët” i tha ai Kidman dhe ajo ia ktheu “duket sikur do të martohemi bashkë”, ndërsa ai i jepte tufën me lule. /27.al/
