Një 27-vjeçar ka rënë në prangat e policisë pasi transportonte emigrantë të paligjshëm. Gjatë kontrollit në furgon, policia gjeti 33 emigrantë të paligjshëm, të cilët ky shtetas po i transportonte kundrejt fitimit. Ndërkaq, gjatë kontrollit fizik të tij i është gjetur edhe një sasi e dyshuar lëndë narkotike e llojit kokaine, e cila është sekuestruar në cilësinë e provës materiale. Mësohet se fillimisht i riu nuk i është bindur urdhrit të policisë për të ndaluar dhe është arratisur.
“Gjatë kontrollit në automjet, shërbimet e Policisë kanë gjetur 33 emigrantë të paligjshëm nga vendet MENA, të cilët ky shtetas po i transportonte kundrejt fitimit.
Në vijim të operacionit, pas shkëmbimit të informacionit me DVP në qarqe dhe falë një pune të mirëkoordinuar policore, pas disa orësh nga braktisja e automjetit, në Laprakë, nga shërbimet e Komisariatit të Policisë nr.5, Tiranë, është bërë e mundur kapja e shtetasit K. M.”-njofton policia.
