Franca ka nisur procesi i pastrimit të kampit të emigrantëve në Kale. Momente tensioni janë hasur mes emigrantëve dhe policisë, duke refuzuar të heqin dorë nga përpjekjet e tyre për të kaluar Kanalin.
Më shumë se 2.300 emigrantë u larguan vullnetarisht nga “Xhungla” gjatë ditës së hënë, ndërkohë që eksodi vazhdon edhe përgjatë ditës së sotme, teksa qindra emigrantë u vendosën në rradhë që në orët e para të mëngjesit.
Por një nga shqetësimet kryesore që mundon banorët e kampit janë fjalët që qarkullojnë aty.
“Kam dëgjuar se nëse shkoj në Britani dhe më kanë marrë shenjat e gishtave në Itali, qeveria britanike mund të më kthejë në Itali. Ky është problem këtu. Ne këtë nuk mund ta durojmë dot”, tha një emigrant sudanez.
Anglia ka filluar të pranojë një pjesë prej fëmijëve të pashoqëruar që jetojnë në kamp dhe që llogariten në mbi 1.300. Më shumë se 2.000 vetë e lanë kampin vullnetarisht të hënën.
