Partia Republikane dhe ajo Agrare Ambientaliste kanë bërë një ftesë për të gjitha partitë parlamentare me qëllim zgjidhjen e krizës politike.
Dy partitë nismëtare të kësaj tryeze thanë se deri më tani, disa prej krerëve të partive i janë përgjigjur pozitivisht ftesës.
Kështu kreu i PDIU-së, Shpëtim Idrizi, i është përgjigjur ftesës dhe do të jetë në tryezë. Përgjigje pozitive kanë dhënë edhe kreu i LSI-së, Petrit Vasili dhe ai i LIBRA-s, Ben Blushi.
Edhe Partia Demokratike i është përgjigjur pozitivisht ftesës së bërë nga aleatët e saj për një tryezë konsensusi.
Tryeza e konsensusit është thirrur në orën 20:00 në kryesinë e Kuvendit.
