“Blutë” e kryeqytetit kanë arrestuar një 56-vjeçar në Kamëz, pasi nuk ka kallëzuar rrethanat e vërteta të vdekjes së gruas së tij. Sipas policisë, Shahe Lika, 55 vjeç, i dha fund jetës së saj në zonën e Frutikulturës, në Kamëz duke u vetëvarur.
Por, ngjarja u fsheh nga bashkëshorti i saj, i cili e kallëzoi vdekjen e saj, si humbje jete nga shkaqet natyrale.
Shefqet Lika akuzohet për veprat penale “Shkaktimi i vetëvrasjes” dhe “Veprime që pengojnë zbulimin e së vërtetës”.
Bashkëshorti njoftoi familjarët e viktimës, të cilëve u ka pohuar se e shoqja kishte pësuar vdekje natyrale dhe ndaj kishte bërë gati të gjitha procedurat e varrimit. Familjarët e të ndjerës njoftuan policinë e cila bëri të mundur arrestimin e 56-vjeçarit.
