Katedralja e famshme e Parisit, Notre Dame u shkatërruan nga zjarri i rënë pasditen e djeshme, po ashtu edhe çatia e saj prej druri. Ekspertët thonë se do të duhen të paktën 10 apo 15 vite punë për të përfunduar rindërtimin e Notre Dame.
Gjithashtu ekspertët thonë se do të duhen edhe qindra miliona euro, për të rikthyer Notre-Dame në gjendjen e mëparshme. Federata e kompanive franceze të specializuara në restaurimin e monumenteve ka bërë vlerësimin për rindërtimin e saj.
Kur kanë kaluar më pak se 24 orë nga ngjarja të shumta janë hipotezat e ngritura për shkaqet e zjarrit. Gazeta “Le Parisien” evokon mundësinë që zjarri të ketë filluar nga saldimi në strukturën prej druri të katedrales. Por ky skenar u mohua në mënyrë të drejtë nga kreu i Monumenteve Historike përgjegjës për restaurimin, Francois Chatillon që tha se: “Puna ende nuk kishte filluar, vetëm skelat po vendoseshin”.
