Katër persona janë arrestuar në Prizren, pasi dyshohet se kanë fotografuar votën. Lajmin e ka konfirmuar për ‘Express’, zëdhënësi i policisë në Prizren, Vesel Gashi.
“Mund të ju konfirmoj se Policia e Kosovës, në bashkëpunim me prokurorinë kemi ndaluar katër persona të cilët dyshohet se kanë keqpërdorur votën”, ka thënë ai.
Në këto momente hetuesit janë duke intervistuar të dyshuarit dhe se me urdhër te prokurorit do të ndalohen për procedura të mëtetjeshme.
Qytetarët e Kosovës me të drejtë vote, zgjedhin sot përfaqësuesit e tyre për përbërjen e re të Kuvendit, nga i cili do të zgjidhet më pas edhe qeveria e re e Kosovës me mandat katërvjeçar.
Në këto zgjedhje, të drejtë vote kanë më shumë se 1 milion e 900 mijë qytetarë.
/newsbomb/
