Sot në orën 16:00, Shqipëria do të luajë ndeshjen finale kundër Bjellorusisë. Për ketë ndeshje, trajneri i Kombetares, Edy Reja ka bërë 4 ndryshime të rendesishme, teksa Doka, Memolla, Laçi dhe Gjasula e kanë nisur titullarë.
Amir Abrashi dhe Elseid Hysaj janë mungesat e mëdha në këtë sfidë, teksa trajneri italian i kombëtares ka vendosur për “luftëtarët” që do e nisin ndeshjen e sotme si titullarë. Jurgen Gjasula rikthehet si titullar në mesin e fushës.
Ashtu siç pritej, Qazim Laçi do të jetë zëvendësuesi i “pitbullit” Abrashi, teksa Albi Doka do të zërë vendin e Hysajt. Myrto Uzuni ka përfunduar në stol, teksa si titullar do ta nisë Hysen Memolla. Sulmi nuk ndryshon dhe dyshja Manaj-Cikalleshi kanë detyrim shënimin e golave.
FORMACIONET ZYRTARE:
SHQIPËRIA: (3-5-2) Berisha, Ismajli, Gjimshiti, Veseli, Doka, Memolla, Memushaj, Gjasula, Laçi, Cikalleshi, Manaj. Trajner: E. Reja
BJELLORUSIA: (4-4-2) Katekeviç, Juzesçuk, Poliakov, Saçivko, Bordaçev, Ebog, Maevski, Jablonski, Sataseviç, Lisakoviç, Skavish. Trajner: M. Markhel.
