Qeveria çeke ka shpallur gjendjen e jashtëzakonshme, pasi është përballur me fluks të madh refugjatësh ukrainas që po ikin nga pushtimi i vazhdueshëm rus.
“Ne po e zbatojmë atë thjesht për arsye teknike, por mund të përballojmë fluksin e refugjatëve, kjo nuk do prekë qytetaret tanë” tha kryeministri çek Petr Fiala.
Gjendja e jashtëzakonshme është caktuar të zgjasë 30 ditë, por ajo do shtyhet nga qeveria nëse është e nevojshme. Më herët, edhe Italia shpalli gjendjen e jashtëzakonshme deri në dhjetor të vitit 2022 për të përballuar emigrantët ukrainas që po largohen në masë.
