Boksieri shqiptar, Florian Marku ka filluar të depërtojë me sukses edhe në Britani të Madhe.
Në një intervistë për Mirror, Marku zbulon ëndrrën e tij dhe shprehet se Zoti e krijoi për tu shpallur kampion bote.
Boksieri shqiptar ka rrëfyer rrugëtimin e tij duke filluar që nga emigrimi në greqi kur ishte 8 vjeç së bashku me familjen.
“Ishte në vitin 1997 kur qeveria ra, Shqipëria ishte pa qeveri, kishte armë në rrugë. Kishte shumë, shumë probleme në atë kohë dhe babai im vendosi të shkonim në Greqi, e cila është në kufi me Shqipërinë, kur unë isha tetë vjeç,” kujton Marku.
“Jam i lumtur që tifozët britanikë kanë nisur të dëgjojnë për mua. Atyre u pëlqen stili im, e shohin sesi luftoj në ring. Unë nuk bëj një ndeshje të mërzitshme, sjell vetëm emocione dhe jam i lumtur që tifozët po e dallojnë këtë. I njoh aftësitë e mia. Do flasim bashkë pas një viti dhe do thoni se kisha të drejtë. E di se çfarë jam i aftë të bëj. Ëndrra ime është të sjell titullin e kampionit të botës në shtëpi. Kjo është arsyeja pse Zoti më krijoi, për tu bërë kampion bote. Për të luftuar në një stadium futbolli në Shqipëri me nuk e di sesa njerëz. Do të jetë 100% plot me 30 mije ose 40 mijë, nuk e di. Kjo është ëndrra ime, të mbroj titullin atje dhe do të ndodhë, jam 100% i sigurt”, u shpreh Marku.
