Kantautori i njohur, Flori Mumajesi nuk është shumë aktiv në rrjetet e tij sociale, por postimet e tij shpesh krijojnë polemika te publiku. Kështu ka ndodhur edhe së fundmi. Artisti ka publikuar në Instastory një video ku thuhet “Të gjitha këngët kanë jetë të Florit brenda”.
Menjëherë mbas këtij postimi, Flori ka publikuar këngën që ka shkruar për Kejsi Tolën në “Kënga Magjike 2018” e cila titullohet “Më ke mua.”
Kënga është një dedikim i ndjerë dashurie që për vite me radhë është kthyer në himn për çiftet shqiptare.
Kaq ka mjaftuar që të rikthehen zërat për lidhjen e dy artistëve.
Sipas tij, të gjitha tekstet që shkruan kanë kuptim pasi i lidhë me përvoja personale nga jeta e tij të cilat më pas i kthen në art.
Kështu hidhen dyshime se ndoshta me këtë postim, Flori ka dashur të tregojë se është dedikim për Kejsin, apo për dikë tjetër.
Kujtojmë se, Flori fitoi çmimin e parë në “Kënga Magjike” në vitin 2018 me krijimin e tij ku i këndonte një dashurie që s’është më. Në “Post Kënga Magjike”, ata u shfaqën shumë të afërt me njëri-tjetrin. Teksa Kejsi këndonte, Flori e përqafonte, i drejtohej me fraza nga teksti i këngës, bënte gjeste romantike dhe kaq mjaftoi që të përflitej se ata ishin në një lidhje. Gjithashtu, Flori postoi ditë më pas në Instastory një foto ku shfaqej Kejsi në studiot e xhirimit, foto, të cilën këngëtari e shoqëroi me një emoji zemër.
