Një nga banorët e lënduar nga aksioni i sotëm i policisë së shtetit, e cila ndodhej në spital pasi kishte thyer këmbën, u shpreh se janë trajtuar si kriminelë.
Në një intervistë për Fax News, e reja shpërtheu në lot, pasi kishte thyer këmbën, ndërkohë që tha se kjo gjë ndodh pasi vendin e drejton një i çmendur.
“Vepra e bandës në pushtet ku në krye drejton një i çmedur që na trajton si kriminelë, unë këmbën e kam të thyer. Dalin atje dhe kemi thyer këmbën.Viktima do të mbeten ato. Do të mbajnë përgjegjësi nga ne. Dhunën terrorin dhe gjithshka ka ndodhur. Lëndimin e shkaktoi policia me gazin dhe bombat që hidhte kjo është vepër e policisë me urdhëra kriminalë që marrim. Nuk kam ku të ankohem me këtë që ma kanë bërë. Edhe për arrestimet ato kanë për të mbajtur përgjegjësi. Janë një pjesë e mirë e banorëve. Të gjithë kemi dalë për të mbrojtur shtëpitë tona, çfarë krimi kanë bërë ato. Nuk ka për të mu hequr nga mendja ajo dhunë që kamë parë, dhe pse se po mbroj shtëpinë time. Atje gjendja është shumë e rënduar. Vetëm dhunë dhe arrestime. Nuk e di si mund të vijojë. Nuk besoj se do të jetë një protestë e qetë. Do të përshkallzohet. Jemi trajtuar si kriminelë të vij shteti dhe të dhunojë në shtëpi është e pafalshme.”- u shpreh banorja.
